NHH sine prisar

NHH sine prisar

Høgskulen delar ut fire prisar: to forskingsprisar, ein undervisingspris og ein formidlingspris.

Pris for framragande forsking

Prisen heidrar fremragande grunnforsking utført over ein lengre periode. Skiljet mellom grunnforsking og anvend forsking er ikkje skarpt, men det vert vektlagt at det er reint vitskapeleg innsats som skal heidrast.

Prisen vart oppretta i 1986. Han er på kr 50000 og vert delt ut kvart femte år.

Ingvar Wedervangs forskingspris

Ingvar Wedervang var NHHs første rektor. Han ville fylt 100 år i 1991, og i samband med dette oppretta høgskulen ein pris i hans namn for forskarar under 40 år.

Prisen kan tildelast ein fast tilsett forskar eller postdoktor ved NHH, SNF eller AFF for eit vitskapeleg bidrag dei siste fem åra. Fagleg kvalitet er einaste kriterium. Vurderinga vert gjort av ein komité sett saman av rektor og tre fast tilsette forskarar.

Prispengane er på kr 30000 og prisen vert delt ut kvart femte år.

Pris for framragande lærarinnsats

Prisens hovudmål er å bidra til å styrka studiekvaliteten ved NHH. Han vert utdelt annakvart år i samband med immatrikuleringa av nye studentar.

Tildelinga er basert på ei samla vurdering av lærarinnsats i vid forstand, men med særleg vekt på følgjande kriterium:

  • generelle pedagogiske evner
  • oversiktligheit og kommunikasjonsevne
  • evne til å skape interesse for faget og motivasjon til sjølvstudium
  • evne til å kasta lys over stoffet frå flere synsvinklar
  • innovasjon og nyskaping, inkludert utvikling av nye kurstilbod
  • evne til å relaterea stoffet til andre delar av studiet
  • vilje til samarbeid om pedagogiske oppgåver

Prisen vart oppretta i 1999, og består av kr 35000 og eit silketrykk.

  • Prisvinnarar:

    Prisvinnarar:

    • 2016: Victor D. Norman
    • 2014: Aasmund Eilifsen
    • 2013: Trond Bjørnenak
    • 2012: Iver Bragelien
    • 2011: Alexander Cappelen og Bertil Tungodden
    • 2010: Jan Ubøe
    • 2009: Lars Mathiesen
    • 2008: Thore Johnsen
    • 2007: Øystein Gjerde og Frode Sættem
    • 2006: Victor D. Norman
    • 2005: Kjetil Bjorvatn
    • 2004: Terje Hansen
    • 2003: Jørn Rognes og Vidar Schei
    • 2002: Rolf Jens Brunstad
    • 2001: Knut Boye
    • 2000: Atle Johnsen
    • 1999: Agnar Sandmo

Pris for framragande formidling

Prisen vart oppretta i samband med 75-årsjubileet i 2011. Han skal både heidra og stimulera til framragande formidling og kommunikasjons av kunnskap og innsikt frå det økonomisk-administrative fagområdet. Ein brei definisjon av formidling skal liggja til grunn for utdelinga, men formidlinga skal være av høg kvalitet både i form og innhald.


Prisen kan delast ut for ein enkeltståande prestasjon eller for innsats som strekkjer seg over fleire år, og kan gå til enkeltpersonar eller forskargrupper/-miljø ved NHH. Utval for forsking, formidling og forskarutdanning (FFF) oppnemner ein jury som i avgjer prisvinnaren. Juryen består av leiar for FFF, kommunikasjonssjef, to vitskapeleg tilsette og ein journalist.

Den eller dei som får prisen kan ha utmerkt seg ved å:

  • ha bidratt aktivt til å styrka formidlingsarbeidet ved NHH
  • ha kommunisert innsikt og arbeidsmåtar frå det økonomisk-administrative forskingsfeltet til personar utenfor akademia.
  • ha vore premissleverandør i den norske eller internasjonale samfunnsdebatten
  • ha teke i bruk nye verktøy eller kommunikasjonskanalar for å nå ut til nye publikumsgrupper
  • ha bidrege til auka interesse for det økonomisk-administrative fagområdet hos ålmenta, i næringslivet eller forvaltinga med vitskapeleg argumentasjon
  • ha ei genuin interesse for og vilje til å spreia kunnskap og innsikt i faget sitt til eit breiare publikum

Prisen vert utdelt kvart tredje år. Vinnaren får kr 40000 og eit diplom.