I særlege tilfelle er det mogeleg å få innvilga overgang sjølv om du manglar eit emne i bachelorgraden (hengefag).

Det er strenge krav for å få søknaden innvilga.

Følgjande vilkår må vere oppfylt:

• Det manglande emnet må skuldast enten ei uventa hending eller stryk. Som stryk reknast i dette tilfellet karakteren F, det er ikkje tilstrekkeleg med ikkje møtt til eksamen.
• Du kan ikkje mangle meir enn eitt emne (inntil 7,5 studiepoeng) i bachelorgraden.
• Emnet du søker om å få som hengefag kan ikkje vere eit metodeemne (MET1 Matematikk for økonomer, MET2 Statistikk for økonomer, MET3 Databehandling for økonomer eller MET4 Empiriske metoder).
• Det manglande emnet må vere eit emne du har planlagt å ta, og vore oppmeld i, i ditt siste semester på bachelor.

Dersom du fyller alle desse krava, vil vi gå vidare med søknadshandsaminga og sjå på studieløpet ditt hittil, for å gjere ei vurdering av om du kan ha ekstra studiebelastning i ditt første semester på master. I ei slik vurdering vil både studieprogresjon på bachelor, talet på eksamensforsøk i emnet og karaktergjennomsnitt kunne bli tillagt vekt.

Søknaden må vere grunngjeven og, der dette er mogeleg, må du dokumentere årsaka til at du søker (t.d. legeattest).

Søknadsfrist

• Frist for å søke hengefag til haustsemesteret: 15. juli
• Frist for å søke hengefag til vårsemesteret: 15. januar  

Slik søker du

Søknadsfristen for å søke om hengefag til hausten 2025 er no ute. Det vil vere mogeleg å søke om hengefag for våren 2026 frå 1.12. Lenka til søknadsskjemaet vil bli lagt ut på denne sida. 

NB! Hugs at du må søke intern overgang til master i tillegg til å søke om hengefag.

Vi ber deg om å vente med å søke til du veit sikkert at du kjem til å mangle bestått resultat i det aktuelle emnet.  

Svar på søknaden

Vi sender ut svar på søknadane etter kvart som dei blir behandla, men merk at sensuren i dei øvrige emna frå inneverande semester normalt må ha falle før du kan få svar. Du vil uansett få svar i tide til semesterstart.

dersom søknaden blir innvilga

Dersom du får innvilga overgang til master utan fullført bachelorgrad, må du passe på følgande:

• Bacheloremnet som står att skal prioriterast i forhold til emne på masternivå og du må bestå emnet ved første høve. Det vert ikkje gjort tilpassingar i timeplan/eksamensplan for at du skal få til dette.
• Du kan ikkje få vitnemål for mastergraden før du også kvalifiserer for vitnemål for bachelorgraden.
• Når du har oppnådd bestått resultat i emnet som står att, vil bachelorgraden bli skrive ut og det er ikkje lenger muleg å ta kontinuasjonseksamen i emnet.
• Etter at du har begynt på masterstudiet, vil du ikkje ha høve til å ta eksamen i andre emne i bachelorstudiet enn emnet du har fått innvilga som hengefag.