Styret har det overordna ansvaret for at NHH driv eit systematisk kvalitetsarbeid. Ansvaret for gjennomføringa av kvalitetsarbeidet er forankra i NHH sin leiingsmodell, der rektor, prorektorar, programleiarar, instituttleiarar og direktør NHHE har ansvar for at kvalitetsarbeidet blir gjennomført i tråd med høgskulen sitt kvalitetssystem for dei ulike delane av studietilbodet.

Fulltidsutdanningane (bachelor/master/ph.d.) er fagleg organiserte i ein matrisemodell og høyrer ikkje til spesifikke institutt eller fagmiljø.. Det betyr at kvart studieprogram har ein ansvarleg programleiar, som i utdanningssamanheng står over institutta. Institutta er leverandørar av emne (tilbodssida), medan programleiarane ivareteke etterspurnadssida.

Programleiarane for bachelor- og masterprogramma rapporterer til prorektor for utdanning, medan programleiarrolla for ph.d.-utdanninga blir ivaretatt av prorektor for forsking.

NHH Executive (NHHE) er organisert som ein avdeling under rektor. NHHE blir leia av ein direktør som har fagleg, organisatorisk og økonomisk ansvar for studietilbodet. Kvart studietilbod har ein programleiar/fagansvarleg som rapporterer til direktøren.

Roller og ansvar

Her  finn du oversikt over kva ansvar dei ulike rollene har i kvalitetsarbeidet, med tilhøyrande mandat for dei rollene som har dette.