Gründerskolen

Gründerskolen

Viss du er interessert i entreprenørskap og internasjonal forretningsutvikling, og ønsker å kombinera studiar i entreprenørskap med arbeidspraksis i utlandet er Gründerskolen noko for deg.

Gründerskolen er eit tverrfagleg studieprogram med fokus på nyetablering og innovasjon i eit internasjonalt perspektiv. Les meir om programmet på Gründerskolens nettsider.

oppbygging av studiet

Gründerskolen har tre delar:

  1. Introduksjonsemne som du tar ved NHH (NBD405 -Entrepreneurship and business model design)
  2. 10 veker utanlandsopphald (juni – august) i San Fransisco, Boston eller Toronto. Her vil du ha ulønna arbeidspraksis på fulltid i ei oppstartsbedrift, i tillegg til undervising ved eitt av våre samarbeidsuniversitet
  3. Avsluttande emne i form av ei skriftleg refleksjonsoppgåve

Gründerskolen er eit samarbeid mellom mange utdanningsinstitusjonar i Noreg og vert administrert av Senter for entreprenørskap ved Universitetet i Oslo.

!

Søknadsfrist: 15. oktober

Opptakskrav

Les om opptakskrava og kven som kan søka på Gründerskolens nettsider.

Søknadsinformasjon

Les meir om korleis du søker på nettsidene til Gründerskolen. Krava til kva søknaden skal innehalde, inkludert makslengde på motivasjonsbrevet, går fram av nettsidene til Gründerskolen. Merk at du som NHH-student berre vil verta vurdert ut frå skriftleg søknad - du vil ikkje verta intervjua. 

Innpass i masterstudiet

Gründerskolen kan innpassast i mastergraden i økonomi og administrasjon på to ulike måtar:

  • enten som støtteprofil (30 studiepoeng) 
  • eller som eit valfritt emne (7,5 studiepoeng) 

Vilkår for innpassing

Dersom du har utveksling i graden, kan du berre innpasse Gründerskolen som eit valfritt emne (7,5 sp.).

Dersom du ikkje har utveksling, og vel å innpasse Gründerskolen som støtteprofil, skal mastergraden din innehalde15 studiepoeng med valfrie emne i staden for 22,5 studiepoeng.

NBD405 inngår som forkurs i Gründerskolen og kan ikkje telle som eit valemne i tillegg, uavhengig av korleis du vel å innpasse programmet.  

NB! Merk at du ikkje kan kombinere Gründerskolen med følgjande emne/program i mastergraden:

Slik får du Gründerskolen inn i utdanningsplanen

Når du kan sjå i Studentweb at UiO har registrert at Gründerskolen er fullført, tek du kontakt med seksjon for opptak på opptak@nhh.no og ber om å få lagt det inn i utdanningsplanen din. Hugs å presisere om du ønsker programmet innpassa som støtteprofil eller valfritt emne.

Sosialt entreprenørskap

Har du idear om korleis ein kan løysa eit sosialt problem gjennom å skapa ei bærekraftig bedrift? Sommarprogrammet Sosialt entreprenørskap gjev deg kunnskap og verktøy for å realisera dette.

Senter for entreprenørskap ved Universitetet i Oslo er ansvarleg for programmet. Du kan få det innpassa i masterstudiet i økonomi og administrasjon ved NHH etter same reglar som for Gründerskolen (sjå over). Les meir om sosialt entreprenørskap på UiO sine nettsider.