– Blir fullt hus på «Opptur 2018»
Torsdag 8. november er det duka for fag og fest i Oslo for alle tidlegare NHH-studentar. I fjor kom 500 gjestar. Leiar for alumniarbeidet ved NHH Morten Hilt reknar med det blir fullt hus også i år.
Programmet byrjar å bli klart, og invitasjonane blir sendt ut denne veka. Rektor Øystein Thøgersen klargjer talen, og prorektor Therese E. Sverdrup og alumn Erik Nordbø gler seg til å leie gjestar og forskarar gjennom ein dag med oppdatering på fag og sosiale hendingar.
– Professor emeritus Victor D. Norman skal halde ein innleiing om Trumps første to år. Åttande november er på dagen to år sidan Donald Trump blei vald til USAs president. Her kan eg garantere ein spanande førelesning, seier Morten Hilt.
Dagen startar klokka 09:00, men det blir rikelig tid til pausar og lunsj. Publikum får høyre fire alumnihistoriar og servert ein rekke korte innlegg frå NHHs forskarstab:
- «The Fintech Revolution?» Ved førsteamanuensis Walter Pohl
- «Catching-up? Mechanisms Behind the Gender Gap» ved førsteamanuensis Aline Bütikofer
- «From NHH to the 2018 World Cup Russia (with Love)» ved førsteamanuensis Mario Guajardo
- «Managing Risk - just a Compliance Exercise?» ved førsteamanuensis Anita Meidell
- «What is FAIR?» ved professor Alexander W. Cappelen
Litt utpå dagen kjem professorane Micael Dahlén og Helge Thorbjørnsen med ein litt lenger presentasjon: «Bigger, Better, Harder: The Future in Numbers».
Mot slutten av det faglege programmet, vil rektor Thøgersen utrope «Årets Alumn».
Ein gruppe alumni i Oslo planlegg fest på TAKET Steen & Strøm på kvelden 8. november.