2010 Jurisk tekst
Merknad: Eksamensteksten har små språklege endringar etter språkvask.
NB! Kjelda skal omsetjast!
Forskrift om fastsetjing av medmorskap av 15.12.2008 nr. 1362
§ 1. Assistert befruktning
Definisjonen av assistert befruktning i bioteknologilova § 2-1 gjeld tilsvarande etter barnelova § 3 og § 4. Assistert befruktning krev dessutan at sæd er tilbydd av godkjent helsestell, og at sædgivaren er med i eit donorregister. Barnet skal ha rett til opplysningar om sædgivar tilsvarande bioteknologilova § 2-7.
§ 2. Godkjent helsestell
Godkjent helsestell er her i landet helsestell som har godkjenning til å utføre assistert befruktning etter bioteknologilova og forskrift av 7. mars 2008 nr. 222 om krav til kvalitet og tryggleik ved handtering av menneskelege celler og vev.
[…]
§ 3. Tidspunkt for når vilkåra for medmorskap skal vere oppfylte
Ei kvinne som skal reknast som medmor etter barnelova § 3, skal vere gift med mora til barnet på tidspunktet når fødselen skjer.
Ei kvinne som skal reknast som medmor etter barnelova § 4, skal vere sambuar med mora til barnet på tidspunktet når den assisterte befruktninga skjer.
Ei kvinne som skal reknast som medmor, skal ha gjeve skriftleg samtykke til assistert befruktning før behandlinga skjer. Folkeregistermyndigheita kan i særlege tilfelle godkjenne samtykkje gjeve etter at behandlinga har funne stad.
§ 4. Prosedyre for fastsetjing av medmorskap
Folkeregistermyndigheita avgjer om vilkåra for medmorskap etter barnelova § 3 og § 4 er oppfylte og gjer vedtak om fastsetjing av medmorskap etter søknad frå minst ein av partane. Myndigheita kan gjere vedtak før barnet er fødd.
[…]
§ 5. Krav til søknad
Søknad om å få fastsett medmorskap skal ein skrive på fastsett blankett og sende til folkeregistermyndigheita.
Søkjar kan sende søknad så snart den assisterte befruktninga har funne stad.
Minst ein av partane skal skrive under på søknaden.
[…]
§ 6. Klage
Partane kan klage på vedtak til Skattedirektoratet etter føresegnene i forvaltningslova.
[…]
§ 8. Gjeld frå
Forskrifta gjeld frå 1. januar 2009.
Kjelde: Norsk Lovtidend
Oppdatert: 03.12.2010
