Serviceerklæring for Biblioteket

 

Strategisk grunnlag for erklæringa

Serviceerklæringa for biblioteket tek utgangspunkt i strategidokumentet til NHH for 1997 – 2002 "Kunnskap for verdiskaping og god samfunnsstyring". Tenestene som biblioteket skal yta ligg tett opp til dei fire verksemdsområda som strategidokumentet handlar om: Utdanning, forsking, kunnskapsformidling og etterutdanning. I tillegg har biblioteket fungert som nasjonalt ansvarsbibliotek innan økonomisk/administrative fagområde og statistikk. Som offentleg bibliotek yter vi også tenester til eksterne brukargrupper.

Overordna målsetjing:
  • Biblioteket ved Norges Handelshøyskole skal samle og formidle informasjon for å få høgare kvalitet på forsking og utdanning innan økonomiske fagområde.

    • Servicemål:
    • Biblioteket skal vera integrert i verksemda til NHH
    • Biblioteket skal imøtekoma brukarane sine informasjonsbehov
    • Biblioteket skal hjelpa til med å gjera studiekvaliteten betre, ved å leggja til rette for auka sjølvstudium
    • Biblioteket skal tilby informasjons- og dokumentasjonstenester til næringslivet, institusjonar og personlege brukarar

    Målgruppe for biblioteket sine tenester:

      Brukarane av biblioteket kan forventa
      • eit bibliotek som fylgjer med i utviklinga og er oppdatert fagleg og teknologisk
      • eit bibliotek som er ope og tilgjengeleg for alle innan rammene av opningstider og ressursar ellers
      • konfidensiell behandling av alle spørsmål
      • tilgang til informasjon som er tilpassa fagområda til verksemda ved NHH
      • at tilgangen til dei fysiske samlingane er enkel og tydeleg skilta
      • at inngangen til den elektroniske informasjonen på biblioteket sine websider er oversiktleg og lett å forstå
      • å få låna frå biblioteket si samling (sjølvbetjening)
      • å få tilsendt lån etter avtale (for eksterne brukarar). Bestillingane skal normalt ekspederast same dag eller seinast neste dag
      • å få kopiera frå biblioteket si samling (sjølvbetjening)
      • å få låna inn frå andre bibliotek det biblioteket ikkje har av litteratur innan våre fag. Dette tek normalt 1-2 veker
      • å få hjelp med referansespørsmål. Ved enkle spørsmål får brukaren hjelp med ein gong. Ved meir kompliserte spørsmål kan oppdraget ta fleire dagar. Brukaren får normalt tilbakemelding innan tre dagar
      • å få rettleiing og undervisning tilpassa deira behov, både i biblioteket og pr. telefon eller e-post
      • å få rask behandling av innkjøpsforslag. Forslaget vert behandla same dag eller seinast neste dag. Når boka kjem, skal ho vera ferdig registrert og klar til utlån innan tre dagar
      • at nokre tenester er gratis medan andre tenester kostar pengar
      • at all informasjon om biblioteket (nye tenester, opningstider, lånereglar, prisar mm.) er oppdatert og lett å forstå

      Biblioteket forventar at brukarane
      • set seg inn i dei tilbod av tenester og informasjonskjelder som biblioteket stiller til disposisjon
      • gjer seg kjende med og følgjer med i informasjonen på biblioteket sine heimesider
      • nyttar seg av tilbodet om brukaropplæring
      • følgjer dei reglane biblioteket har for god framferd i biblioteket
      • følgjer dei reglane biblioteket har utarbeidd for lån
      • tek omsyn til andre brukarar av biblioteket slik at alle får tilgang til biblioteket sine tenester i eit godt brukarmiljø
    • Tilsette ved NHH og SNF
    • Studentar ved NHH
    • Eksterne brukarar